Bon y drët fin, iel a puntin!
Nosta cësadafuech da paur
N’atmosfera drët particulera pudëis viver te nosta doi stues dl 18ejim y 16ejim secul.
La paura Gemma cujina per Vo tla pitla cësadafuech da sfumië n menù unfat per duc y che muda aldò dla sajons. D’instà rafinons nosta spëisa cun ierbes che crësc te nosc prei da mont. Cun truep amor anjinions ca uni iede frësc nosc cëifs tipics y da sëur. Nëus adurvon sëuradut prudoc fac en cësa y prudoc biolocichs che cumpron da de pitli produjënc de Südtirol. Gran valor ti dajons a avëi na bona cualità dla maiadives. Leprò chirons ora vins drët aprijei che vën da viniëies a cultivazions biologiches o biodinamiches y che passenea pra la spëisa. Nce i sucs vën fac da nëus nstësc y va dai plu cunesciui such de faùch y such de minza nchin via al sirup de ierba ejia (Rumex acetosa / Sauerampfer / acetosa) y chël de flëura dla pulëntes (Taraxum officinale / Löwenzahn / dente di leone).
Uni ena fajons smauz frësch, ciot, iogurt y ciajuel da paur. Per fé l pan da paur adurvons la blava mpermò majeneda che cujon te nosc fëur da pan.
De instà cujinons y anjenions ca per Vo:
- N taier cun prudoc defrënc fac n cësa
- Bales da ciajuel da paur cun na pitla salata
- Dlacin al limon cun minza frëscia
- Tirtles da ula vërda y da sulza
- Mezdlacià y mousse ala ciculata
54 Euro
